AN BUTANDING

Pating! Pating! Pating!

An kurahaw kan namamangka

Nakig-kig an par-iriba

Sa nakiling ninda sa ibaba.

Natakot sinda ta uya pa

Sa dagat tangod ninda

Subrang kurub-kutob kan daghan

Parayo an saindang pagsagwan

An pating nagtampisaw

Sa dagat na malinaw

Dai minarayo sainda

Sa banka nakipag-karera

Nahiling kan ibang parasira

Parami nag usyoso man sinda

Nasiguro na nahiling Butanding

Ibang klase nin Pating.

Maboot an butanding na sira

Minadayo an mga turista,

An butanding mahiling sana

Butanding pinag-kurugos-kugos pa

Sinurat ni:

F. Balgemino