ANG ALAK

An alak sarong klase nin inumon

Kung dakol an ininom mo nakakabuyong

An alak gamit na kaidtong panahon

Kung may kasalan o ibang okasyon,

Dakol na klase nin alak an nagigibo

May alak na hali sa tubo,

Sa niyog, sa duga nin prutas

Asin sa bunga nin ubas

May alak na sa namit makusugon

Ito an alak na madali maka buyong;

May alak na gamit sa pagluto

“Fruit Cake”, halong alak paborito,

An alak na gamit sa misa kan Padi

Alak na pigiinom sabay an pangadye,

Dai ka matagayan ta ini bawal

Iniinom na alak para sana sa altar

Kadakal na pangyayari na dulot kan alak

Mga parabuyong may napapahamak

Sa alak may nagiiriwal

Kung minsan naresulta sa pagkakatigbak

Sinurat Ni:

F. Balgemino